XVI–XVIII asrlarda Usmoniylar imperiyasi (Turkiya)

XVI asr boshlarida butun imperiya viloyatlarga, viloyatlar esa sanjoq (tuman)larga bo’lingan edi. Viloyatlarni vali, sanjoqlarni esa sanjoqbey boshqarardi. Imperiyaning asosiy tayanchi qo’shini edi. Imperiya bosib olgan hududlardagi yerlar ham davlat mulki deb e’lon qilindi. Sulton bu yerlarni o’z sipohiy (otliq askar)lariga harbiy majburiyat evaziga taqsimlab bergan. Ularning miqdori har xil edi. Sipohiylar shu tariqa o’z xo’jaligiga ega bo’lgan. Ular o’z yerlarini dehqonlarga ijaraga bergan. Ayni paytda sipohiylar zimmasiga harbiy harakatlarda qatnashish zarurati tug’ilganida sulton farmon bergan zahotiyoq sanjoqbey qo’mondonligida belgilangan joyga yetib kelish majburiyati yuklatilgan.