Orqaga

359 marta koʻrilgan

m. a. 3200

Qadimgi Misr

Misr janubdan Nubiya bilan chegaradosh bo’lgan. Bu mamlakatga misrliklar Nil bo’ylab oltin, qatron, fil suyagi, nodir navli yog’ochlarni ayirboshlash uchun borgan. Misr g’arbida, Liviya cho’lida shu nomdagi mamlakat joylashgan edi. Sahro aholisi ko’chmanchi chorvadorlar bo’lgan. Quyi Misrdagi Memfis shahri orqali o’tadigan yo’l Sinay yarimoroliga olib borgan, bu yerda esa mis qazib olingan. Sinay yarimorolidan shimolroqda Falastin, uning yonboshida Suriya joylashgan. Bu mamlakatlar mis va temir rudasiga hamda boshqa foydali qazilmalarga boy bo’lgan. Misrliklar Falastin va Suriyadan hunarmandlar yasagan nodir buyumlar va qimmatbaho toshlarni olib kelgan.