2
Ulashish
170 marta koʻrilgan
M. a. 30 000–10 000
Qadimgi dunyo tarixida Yaponiya
Yaponiyaning qadimgi tarixi. Keramikadan avvalgi madaniyat. Yaponiyaning tarixiy joylari.
Insoniyat qachon Yapon arxipelagiga oʻrnashgani aniq emas. Yaponiyada uzoq vaqtlar davomida siyosiy okkupatsiya bo‘lmagan deb hisoblanardi. Ammo Ikkinchi jahon urushidan so‘ng mamlakat boʻylab bir necha ming yodgorlik topilib, paleolit davriga oid turli xil ish qurollari qoʻlga kiritildi. Masalan, tosh yuzasini sindirib yasalgan asosiy qurollar, shuningdek, katta tosh bo‘lagidan ishlangan mayda tosh qurollar shular jumlasidandir. Ushbu asboblardan foydalangan odamlar Osiyo materigidan Yaponiyaga koʻchib kelganiga esa shubha boʻlishi mumkin emas. Bir tomondan, hozirgi Koreya hamda Sushima boʻgʻozini bogʻlab turgan yerlar odamlarga Koreya yarimorolidan Yaponiyaga koʻchib kelish imkonini yaratgan. Boshqa tomondan, Shimoli-sharqiy Osiyoda yashovchi odamlar Soya va Sugari boʻgʻozlari orqali orolga kelishi mumkin boʻlgan. uyi paleolit davri Yaponiyada har xil, 10 000–30 000 yillar avvali deb taxmin qilinsa-da, bu miloddan avvalgi 35 000-yilgacha bo‘lgan muddatga borib taqaladi. Bu davr madaniyati toʻgʻrisida deyarli hech narsa maʼlum emas.
Odamlar ovchilik va terimchilik bilan shugʻullangani, olovdan foydalana olgani hamda chuqurlik va gʻorlarda oʻzi uchun boshpana qurgani ehtimoldan xoli emas. Dunyoning boshqa hududlarida paleolit davriga oid deb hisoblangan suyak yoki hayvon shoxi kabi artefaktlar Yaponiyada hali-beri topilganicha yoʻq. Kulolchilik haqida hech qanday maʼlumot topilmagani tufayli bu davr keramikadan avvalgi era deb ataladi. Iqlim oʻzgarishi ilk yapon madaniyatida mezolit bosqichining ahamiyatini ko‘rsatadi. Bu vaqtda arxipelagning kengayib borayotgan aholisi tufayli qadimgi boy faunaning koʻp qismi yoʻqolib ketgan edi. Yoy va oʻqning ixtiro qilinishi esa ovqat uchun boʻlgan kurashning kamayishiga olib keladi.
