Qadimgi davrda Nil vodiysi va uning aholisi

O’zi bilan birga huzurbaxsh salqin havo va mo’l-ko’l hosilni olib kelguvchi sersuv Nil viqor bilan oqadi. Ulug’vor daryo Afrikaning shimoli-sharqida sivilizatsiya vujudga kelishi uchun zamin yaratgan. Bir qancha shoxobchalarga bo’linib oquvchi Nil daryosi borib-borib O’rtayer dengiziga quyiladi. Nil daryosi quyilish joyini yunonlar delta deb atashgan. Chunki dengizga quyiluvchi shoxobchalarning to’la-to’kis manzarasi uchburchaksimon, ya’ni yunoncha «delta» harfiga o’shash bo’lgan.