Oʻzbekistonning Yaponiya, Hindiston va Koreya Respublikasi bilan ikki tomonlama aloqalarining rivojlanishi

O’zbekiston o’zining sharqiy yo’nalishdagi tashqi siyosatida Osiyo qit’asining Yaponiya, Hindiston va Koreya Respublikasi kabi mamlakatlari bilan davlatlararo munosabatlar va manfaatli hamkorlik aloqalarini mustahkamlashga alohida e’tibor berdi. 1992-yil yanvarda o’rnatilgan diplomatik munosabatlar, 1994-yil may, 2002-yil iyul va 2011-yil fevralda Yaponiyada hamda 2006-yil avgustda O’zbekistonda bo’lib o’tgan davlat rahbarlari o’rtasidagi oliy darajadagi uchrashuvlar ikki mamlakat o’rtasidagi manfaatli va do’stona aloqalarga yangicha ma’no-mazmun bag’ishladi.