Oʻzbekistonda ma’naviy va tarixiy merosning tiklanishi

O’zbekiston suveren davlat sifatida ijtimoiy-siyosiy hayotda ma’naviy yangilanish jarayonini amalga oshirmasdan turib mustaqillikni har tomonlama mustahkamlab bo’lmasligini hayotning o’zi ko’rsatdi. Shuning uchun ham mamlakat rahbariyati istiqlolning dastlabki paytidanoq bu borada zarur choralar ko’rdi. 1991-yil Alisher Navoiy tavalludining 550 yilligi keng nishonlandi. Alisher Navoiy nomida Davlat mukofoti ta’sis etildi. Adabiyot institutiga Alisher Navoiy nomi berildi. Navoiy haykali Toshkentning Komsomol ko’li deb nomlangan istirohat bog’iga o’rnatildi va bu bog’ Alisher Navoiy nomidagi O’zbekiston Milliy bog’i deb ataladigan bo’ldi.