Flash xotira (xotira kartasi)

USB Flash Drive («fleshka») — kompyuter uchun tashqi axborot va ma’lumotlarni tashuvchi qurilma turi. Fleshka turli ko’rinishda bo’lib, asosiy farqi dizayni, sig’imi, interfeys turi va qo’shimcha imkoniyatlarida ko’rinadi. Sig’im jihatdan — fleshkalar xilma-xil. Hozirgi kunda 1 Gbdan, 32 Gb va undan katta sig’imli fleshkalar mavjud. Flesh-xotirani (ing. Flash-Memory) «Toshiba» kompaniyasi mutaxassisi Fudzi Masuoka. 1984-yilda yaratgan. Uning nomini hamkasbi Syodzi Ariizumi o’ylab topgan — u fleshkadagi axborotni o’chirish jarayoni unga fotoapparat chaqnagichini eslatgani uchun «chaqmoq» — «flesh» nomini taklif etgan. Hozirda «A-DATA», «Kingston», «Transcend» fleshkalari mashhur bo’lsa, o’z vaqtida «Intel», «Samsung» va «Toshiba» bu qurilmaning yetakchi ishlab chiqaruvchilari bo’lgan.