Birinchi jahon urushining yakunlovchi bosqich

4 yil davom etgan Birinchi jahon urushida tomonlarning hech qaysisi hal qiluvchi muvaffaqiyatga erisha olmaydi. Holdan toygan nemis askarlari Germaniya harbiy eskadrasining ingliz flotiga hujum haqidagi buyrug’iga bo’ysunmaydilar va qarshilik namoyishlari o’tkazadilar.Qo’zg’olonlar Berlinda ham avj oladi. Imperator chet elga qochib ketadi. 1918-yil 9-noyabr kuni Germaniyada respublika e’lon qilinadi. Oradan ikki kun o’tgach esa Germaniya hay’ati o’z hukumati nomidan yarashuv haqidagi, aslida Germaniyaning mag’lubiyati borasidagi bitimni imzolaydi.