Ali Qushchi

«O’z davrining Batlimusi» deb tanilgan Ali Qushchining to’liq nomi Alouddin Ali ibn Muhammad al-Qushchi bo’lib, u Samarqandda tug’ilib o’sgan va XV asrda ilmiy faoliyat ko’rsatgan matematik va astronomlardandir. Uning tug’ilish sanasi ma’lum bo’lmasa-da, XIV asr oxiri — XV asr boshida tug’ilgan deb taxmin qilinadi. U Ulug’bek saroyidagi Muhammad ismli ovchi qushlarga qarovchi bir kishining o’g’li bo’lib, shu sababli unga Qushchi laqabi berilgan. U otasidan yetim qolganidan so’ng UIug’bekning tarbiyasida bo’lgani bois, Ulug’bek uni o’z «Zij’ining so’zboshisida «farzandi arjumand» deydi.