1918–1929-yillarda Amerika Qoʻshma Shtatlari

Birinchi jahon urushi AQSHni dunyodagi yetakchi davlatga aylantiradi. Ko’plab Yevropa mamlakatlari AQSHdan kredit olgani sababli undan qarzdor bo’lib qoladi. Mamlakatda ishlab chiqarish hajmi o’sadi. AQSH jahonning moliyaviy markaziga aylanadi. Ammo bu o’sish millionlab oddiy amerikaliklarning moddiy ahvoliga hech qanday ta’sir ko’rsatmaydi. Jamiyatning boy va qashshoq tabaqalari orasidagi farq aql bovar qilmas darajaga yetadi. Buning oqibatida esa mamlakatda ish tashlashlar avj oladi.